In Darmstadt gibt's e doll Lokal! Wer dort eneugeht, hot die Wahl mit was er sich erfreie will. Liebt er's beschaulich odder still, so find' er dort zwar aach so'n Ort, ansunsten awweer kriggt mer dort soviel gebote Daag fer Daag, daß mer dorthie muß, gar kaa Frag. Vor allem finne junge Leit Konzerte Kino jederzeit. 's gibt Billardräum, e Galerie, un danze kann mer, wie sunst nie. Des Haus, es hot längst Tradition, wer kennt sie net, die Golden' Kron'.